ЈОКИ: КАМИНИ

KOТЛИ, KOТЛИ КАМИНИ ШПОРЕТИ, БЛОГ, КАМИНИ, ШПОРЕТИ

Добри практики за греење на Дрва во Домаќинствата

Posted on by

Според публикацијата „Потрошувачка на енергенти во домаќинствата“ (Државен завод за статистика, 2014), 62% од вкупниот број домаќинства во Р. Македонија користат дрва како примарен извор на енергија, 29% користат електрична енергија, додека 8% се потпираат на топлинската енергија од централно парно греење. И по 8 години сликата не е целосно променета односно греењето на дрва е сеуште широко застапено – затоа важно е да се применат најобрите практики за да се заштеди енергија, пари и да се намали загадувањето.

  • Користете само соодветно исушено дрво. За оваа цел купувајте дрва на почетокот на летото и чувајте ги на сончево место, добро заштитено од дожд
  • Сортирајте или поделете ги трупците според големината: треба да остане простор помеѓу трупците и ѕидовите на уредот.
  • Потребното дневно количество дрво складирајте го на затворено во загреана просторија
  • Изберете дрва со иста големина и дијаметар, претпочитајте цепени дрва, наместо цели. Со ова се подобрува ефикасноста на согорувањето.
  • избегнувајте користење хартија за палење
  • Обезбедете максимален проток на доводот на воздух
  • Додадете дополнителни дрва само кога има доволно жар во подножјето на огнот
  • Постепено полнете го уредот со мало количество дрва
  • Доколку ви е потребна посилна или послаба топлина, менувајте ја количината дрва, наместо да го прилагодувате доводот на воздух
  • Кај затворените типови камини или печки/ шпорети, вратата на уредот треба да биде затворена додека гори огнот.

Совети за согорувањето

Лошото согорување е поврзано со емисиите на значителни количества загадувачки супстанци во атмосферата, особено прашина и суспендирани честички

  • За оптимизација на ефикасноста на уредот потребно е да се постигне висока температура на согорување за краток временски интервал
  • Доколку правилно се изведе палењето, чадот исчезнува за помалку од 15 минути
  • Доколку уредот произведува голема количина густ, темен чад, тоа значи дека согорувањето е лошо. Ова може да биде причинето од:
    • Лош квалитет на дрвата/несоодветно складирање
    • Нечиста комора за согорување или оџак со наслаги од саѓи
    • Проблем со доводот на воздух.

Кај последните два случаи потребна е интервенција од страна на квалификувано техничко лице.

    • Присуството на мирис во просторијата се поврзува со лошо согорување и со можна емисија на штетни супстанци од уредот.
    • Ефикасното грејно тело го загрева вашиот дом, заштедува гориво и пари и ги намалува емисиите во атмосферата.

Доколку вашиот избор е греење на дрва – консултирајте се со нашите продажни експерти кои ќе ви предложат модел на шпорет, камин или котел соодветен за вашиот простор.

Испратете барање или контактирајте не.

 

KOТЛИ, KOТЛИ КАМИНИ ШПОРЕТИ, БЛОГ, КАМИНИ

Греење на пелети: Како функционира и дали носи заштеди?

Posted on by

Греењето на пелети e се повеќе популарно и многу домаќинства се одлучуваат да му ја доверат топлината на својот дом на овој систем за греење, не само затоа што е еколошки систем за греење кој најмалку и штети на нашата планета, туку и од многу други причини.

Доколку сте размислувале да се „префрлите“ на греење на пелети, во продолжение дознајте како функционира овој систем за греење и дали навистина со него ќе добиете се што сте очекувале и Ви е потребно.

Како функционира греењето на пелети и што точно се пелети?

Како што сугерира името, греењето на пелети користи пелети како гориво, што всушност е цврсто гориво создадено со технолошкиот процес на мелење, сушење и пресување на дрво или некој друг „био“ материјал. Најчесто се користат дрвени пелети, кои верувале или не, со согорување даваат повеќе топлина отколку трупец со ист волумен од истото дрво.

Производството на пелети е стандардизирано кога се во прашање условите, па дури и изгледот на пелети е строго дефиниран – дијаметарот е 6 mm, должината 30 mm, а влажноста мора да биде под 10%.

Друг интересен факт – за разлика од другите видови гориво, количината на пепел што останува по согорувањето на пелети е само 1% од масата на горивото, што значи дека чистењето и одржувањето на котлите и печките е многу полесно и побрзо.

Пелетите се пакуваат во вреќи и складирањето на пелети зазема четири пати помалку простор отколку складирањето на дрво или јаглен за истиот ефект кога се загрева.

Изборот на квалитетни пелети е важен и затоа ви препорачуваме пред почеток на сезоната да се консултирате со тимот на експерти за греење и ладење на Јоки.

Греењето на пелети има уште една голема предност – котлите и печките на пелети користат термостати благодарение на кои е можно автоматски да се регулира температурата за максимална удобност при загревањето.

Дали е исплатливо?

Дали греењето на пелети ќе ви се исплати или не ќе зависи од средината во која живеете и годишното време кога купувате пелети. 

Ако купувате пелети во лето, ќе платите многу помалку отколку ако ги купите во текот на сезоната, сепак цената на пелетите зависи и од трговецот – подобро е да набавите пелети од компанија која се занимава со системи за греење и ладење бидејќи истата освен комерцијалисти за продажба има инженери и искусен менаџерски тим кои заедно може да проценат кој производ е со подобри карактеристики а има прифатлива цена.

Заклучокот дека греењето на пелети е решение со прифатливи трошоци кое ќе ве ослободи од физичката работа на подготовка на огревно дрво или чистење на шпорети и котли.

Тимот на Јоки Ви стои на располагање за сите прашања во врска со изборот на систем за греење и ладење.

Контактитајте не на: 02 2581 800 |  info@joki.mk